أمثال شعبية مغربية مختصرة ذات الرنة
- حجة وحاجة
- عشاق ملال
- زرب تعطل
- بوه يشبه بوه
- ستة من ستين
- طاروا ولا لحكوه
- نارو على منقارو
- عش نهار تسمع خبار
- سيدي بسيادو
- اللي غلب يعف
- لاتعمل شاي لاتخاف شاي
أمثال شعبية مغربية مطولة :
- الحنة حرشة ,والماشطة عمشة .والعروس بوهزاز.
- مول الطاحونة ,والسانية ,ولمرا التانية حتى ليلة ما يبات هانية .
- قالت العودة :من نهار اللي ولدت ,ما كليت علفي وافي , ولا شربت مايا صافي .
- كيفتش على على جوا منجل , وطربوش لعجل ,وسروال الجمل .
- مشات عيشة تجيب القزبر ,جات حبلا من سبع شهور ,لو كان ما خافت من الطلاق , كون بقات حتى يخلاق .
- اطلع تاكل الكرموس , اهبط شكون قالها لك .
- أمثال في الأخلاق الحسنة والسلوك الحسن.
- سير بالنية وارقد مع الحية .
- مني ومنك ينطبع , ومن واحد وحدو ينقطع
- سعداتك يا فاعل الخير .
- الحرة إلىصبرت دارها عمرت .
- لمعايرة في لوجه صابون , وفي الظهر طاعون .
- أنت مير وأنامير , الله يجيب اللي يصوك هذ لحمير
- الكرش غرارة ورباطها عقل .
- اضربني وابكا,واسبقني وشكا .
- لعوين مع النصارى ولا لكلاس خسارة .
- اللي عمل راسو في النخالة ينقبو الدجاج .
- اللي غاب عليك أصلو شوف فعلو .
- ايمارت الدار على بابها.
- ريح ساعة يخلي كاعة .
- الزين في الدفلة ,والدفلة حارة .
- اخنيفيسة تونس ,خير من غزالة تهوس .
- من لاخير في لسانو لاخير فمكانو .
أمثال شعبية مغربية لتهذيب الأطفال:
- الي ما سمع راي كبيرو الهم تدبيرو .
- الفكوسة من الصغر كتعواج .
- كيفصل الزناقي ويخيط الدروبه .
- اربط حمارك مع لحمير , يتعلم الشهيق والنهيق وخرجان الطريق .
- نهيه , انهيه ويلا عما , سير وخليه .
- مع من شفتك مع من شبهتك .
- أمثال حول الذكاء والوعي .
- كن اسبع وكلني ,ولاتكنشي ذيب تشوهني .
- أميات تخميمة وتخميمة ولا ضربة بمقص.
- قليل مداوم خير من كثير ومقطوع .
- اللي جبر احسن من لعسل يلعقو .
- النفس نفس سلطان ,والحالة حالة مسكين ,
- السلطان بالتاج ويحتاج .
- أمثال تلازم الحياة اليومية .
- اللي صابها ليلو, ما عطاها لغيرو .
- لمحبة الزربانة مفر قة في نهار .
- دهن راسو بلعسل وخشاه في غار النمل .
- منين لحقت عليك أوجهي خبشوك لقطوط .
- داري, يسترت عواري .
- آحاح على غدا اما اليوم عدا .
- لاتشكر لاتذم, حتى تجرب عام ;
- ايلا كان حبيبك عسل ,لاتلعقوش كلو .
- اللي ضربتو إيدو ما يبكيش .
- قالت أم لعروسة لبنتها كاع بكاو ومشاو .أبنيتي.
- حبني محبة خوك وحاسبني حساب عدوك .
- اللي دركك بخيط دركو بحيط .
أمثال شعبية مغربية تتعلق بالصحة والنفس .
- تغدا وتمدا وتعشا وتمشا .
- النواض بكري بالذهب مشري .
- الضر بالقنطار والراحة على راس ليبرا .
- باعد من لبلا ليبليك .
- سال لمجرب لاتسال الطبيب .
- لاعين شافت لاقلب وجع .
- العين اللي تموت شبعها شوف .
- القلب لمغير لوجه يعطيك خبا رو .
- الهذرا بين جوج وثالث خلاط .
أمثال شعبية مغربية في التعامل مع المال وصرفه .
- اللي ترهنو بيعو .واللي تخدمو طيعو.
- اللي خلص دينو شبع .
- على قد فراشك مد رجليك.
- قلت الشي تترشي .
- بحال الكسكاس ملي تيقوى رزقو كيغمضو عينيه .
- عند رخصو خلا نصو .
- ضربو لحلقو ينسى اللي خلقو .
- الله يرحم من مات وخلا الميدة عامرة فتات .
- الحر حر والصنعة ماتضر .
- هود مساري واطلع شاري .
- الضحك تيفسخ البيع .
- بالنقطة تيحمل الواد .
- الى شفتي المزلوط غادي زربان عرف مول لفلوس مسخرو.
- اللي ما عند و فلوس دييو مسوس , وكلاسو بين الناس خسارة .
- زوق تبيع .
أمثال شعبية مغربية توجيهية وتربوية .
- الله يجيب اللي يحسن بنا ,يعطينا بنتو , ويخدم علينا.
- الخادم تتعنا بنهود لالاها .
- هذي من لغرايب , لمرا مكحلة وراجل غايب .
- شكون شافو ليك يالمسوكة بالليل , ومكحلة عند القنديل .
- قلب القدرة على فمها ,البنت تشبه لمها .
- للا مليحة وزادتها الترويحة .
- للا زينة , وزادها الحمام .
- داقو سعيد , وجبرو لذيذ واحلف حتى يزيد .
- بحال مهراز دار الدباغ دك أنت دك أنا.
- مريقت جارتي تتعجبني .
- أمثال تدل على المشاعير والإحساس .
- عينيك ميزانك .
- العارف شفتو كفاتو .
- الحرة بالغمزة والعبد بالدبزة .
- كيفيق بالندا إلي طاح .
- جوعي في كرشي وعنايتي في راسي .
- الحجرة من ايد لحبيب تفاحة .
- على وجه لكتاب تتباس الجلدة .
- اللي فاتك بليلة فاتك بحيلة .
- الزيزون ماتتفهمو غير مو .
- ايلا فاتك لكلام, قل سمعت ويلا فاتك الطعام, قل شبعت
- مايبكلك غير شفرك وما يحكلك غير ظفرك .
- طاح الحك في الما واجبر غطاه تم .
أمثال شعبية مغربية تخص العلاقات الإ جتماعية .
- كل مع خييك واحض من خييك ,لا يدي لك لحويك .
- خوك في الصنعة عدوك .
- لاتعمل خير ما ترى باس .
أمثال شعبية مغربية متنوعة
- معمشة وتتماشى اولا مكحلة وتلاشى .
- زوينة وغزالة وتتزوج من والى .
- زيد كوش على كوش اولا نعيط على بوش .
- الكرموس الهندي نوضك من عندي .
- جبانية رفيسة اولا تبنديق اولاد عيسى .
- كن مالذهم مانكدم مانزضم .
- باش تمسح المزلوطة إلي توسخت ليها الفوطة .
- إلي ترفحتي وحلات ليك لكليسة تهلى في لكصيصة .
- كل الشحيما وخلي لحيما .
- شبعها وخليها هايمة حتى تلقى الدايمة .
- كن ما السمسار ماتباع الدار .
- كن ما لكريدي مانمد أيدي .
- كن ماالبنكة مانطيح في العركة .
- الى بغيتها أتوالى لاتصاحب من والى .
- ملي سلا وارتاح عاد عجبو غربي لمراح .
- ثلاثة يطولو العمر : الدار الواسعة و الفرس السريعة و المراة المطيعة
- ثلاثة يعمروا الدار : الحرث بالغبار و الفحول الصغار و الزواج ببنت الكبار
- ثلاثة خسارة :البني فالدار الصغيرة و الحرث فأرض حجيرة و الغلض فالمراة القصيرة
- ثلاثة عدياني : عيني و وذني و لساني كون ما جوش هوما نروح لقبري هاني
- ثلاثة يقللو الصحة : الزواج بالمراة المعفونة و مشيان الحفا و هزان الذري على الڨفا
- ثلاثة يربحو :النعجة و العويجة و النحل ايلا جا ( العويجة تعني السنبلة)
- ثلاثة من الجنون: الرايح للسوق بلا مال و الرايح للبير بلا حبال و الجالس وسط الجماعة و ما دارش البال.
- الزين للنساء والنساء لخيرة الرجال
- والرجال للمحنة والمحنة لي قدر عليها
- ماتخالط ما تقول انا الغالط
- ماتعاشر النحل ما تشكي من لسعاتو
- زين النساء في السترة
- والراجل يتقاس بالهدرة
- ومتحكمش على الناس بالنظرة
- تحب تشرب الماء صافي شوف مجراه
- ولا حبيت تحكم لغزال تبع خطاه
- وعمرك لا تقول كلام وما تعرف معناه
- لازمك كلام موزون وزيد ثبت معاه
- لاعينك تصحب اصحب الراجل الفحل كي البارود ديما يخلي الدم يسيل معاه
- خيار لكسيبة للخيل وتكون قادر على عشاهم وخيار لحباب الرجال وتكون تعرف معناهم وخيار الهواية البارود والصيادة حذاهم.
- عيب النفس في كثر الخطايا وعيب العين من قلة النوم وعيب العقل في موت الخلايا وعيب الڨلب دسان الهموم وعيب الروح في خبث النوايا
- الرجال يبانوا فالشدة وجه البارود اذا خرج مافيه ردة و الرجلة ماشي فالزندة والعظم عمرو ما يكون فالكبدة والجايح يخلع بالهدرة والدنيا فانية كيفها كيف الرقدة
- خوذ بنت الأصول لعل الزمان يطول
- عز الطفلة مع بوها.. ومن غير بوها تتهان، حتى لو كان شيخ القبيلة خوها.. وراجلها ولد السلطان.
- طفلة تسرح بالغنم حفيانة ولا طفلة تشطح بين الرجال عريانة
- تروح ناس و تجي ناس وتبقى رضاية الوالدين تاج فوق الراس
- نمشي نمشي و اذا عييت نرتاح المكتوب عليا يجي و لوكان نطير بلا جناح
- اللي باعك بالفول بيعو بقشورو و اللي نكر الخير ما تقيمو بدورو
- اللي نساك نساه لاتخمم فيه خليه للعالي يتكفل بيه
- فمي مغلوق وقلبي صندوق وربي من فوق يخلص لحقوق
- - السراغنة قل الناس، ومسيوة قل وقل.
- - من بني مرين وبني وطاس، ما بقاو ناس.
- - الصغير فيهم كايعمي، بحال أولاد ابن الاحمر.
- - جا لبلاد فليو، وامرض بالرواح.
- ـ بحال اللي كايخو الما على القرعة.
- ـ بحال اللي كيعطي الجوهر للدجاج.
- ـ الله ينعل اللي يتيق، حتى فخوه الشقيق.
- ـ طبيب سلاوي، ما يجرح ما يداوي.
- ـ بالحفا والجفا، بحال خدام الشرفا.
- ـ طاجين الشمايت، النصبا وقلة ليدام.
- - خلي الزنا والسرقا، ودير مابقا.
- ـ دير ما دارك جارك، ولا بدل باب دارك.
- ـ حط حمارك مع الحمير، يتعلم الشهيق والنهيق، وخرجان الطريق.
- - بحال العجوزة، إلا ما هدرات تهز راسها.
- - تيقرا البرا من قفاتها.
- ـ حسن ليه بلا ما.
- - خسارة على النوار فالدفلة، والدفلة مرة.
- ـ احمر يا المشكورة، دبحو الجرو وصلاو على الهيدورة.
- ـ الحر بالغمزة، والعبد بالدبزة.
- ـ اللي حب الخدم، لا بد يندم، لا سيفة زينة لا قلب مسلم.
- ـ الشلح إلا تبلد، بحال البندير إلا تجلد.
- - بحال مول الفران، وجهو للنار، وظهرو للعار.
- ـ الهدرا بلا زيادة، بحال الموت بلا شهادة.
- ـ الخادم باللثام، بحال الحمارة باللجام.
- ـ السوسي المرا والتجارا، العروبي المرا والحمارا، والمديني المرا والخسارة.
- - طاح الحك فالما، وصاب غطاه تما.
- ـ داقو سعيد، وجاه لذيذ، وحلف حتى يزيد.
- ـ الشاشية قد الراس.
- - قال الفيلالي، ولو طارت معزا
* تنبيه !
- سوف يتم نشر تعليقكم بعد مراجعته
- التعاليق التي تحتوي على كلمات نابية وأرقام الهواتف أو نشر روابط أو إشهار لجهة ما لن يتم نشرها.