أمثال شعبية مغربية
1 - اجيو تعلمو الحسانه في روس اليتامه.
2 - احمر يا المشكورة، دبحو الجرو وصلاو على الهيدورة.
3 - اخدم بكري ولا روح تكري.
4 - اخدم يا صغري على كبري..
5 - اربط احمارك مع الحمير، يتعلم الشهيق والنهيق وخرجان الطريق.
6 - الحر بالغمزة و العبد بالدبزة.
7 - الحرفة الى ما غنات تستر، أو واقيلا تزيد فالعمر.
8 - الحمار حماري والركوب من الخلف
9 - الحمار مخبي ووذنيه برّا.
10 - الدار دار بونا، وعبيد بانا اطردونا.
11 - الدجاجة غسلات رجليها نسات ماداز عليها.
12 - الدنيا دراعة كل واحد كيلبسها ساعة.
13 - الرجلة عندها ناسها، والدار عندها ساسها، وزينة البنات كي اتستر وتغطي راسها.
14 - الزين بحروفو، ديه لمو تشوفو، القرع بفلوسو، أرا داك الراس نبوسو.
15 - الزين في بناتنا سلالة، من العمة للخالة.
16 - السفيه تينطق غبر باللي فيه.
17 - الشوف ما يبرد الجوف، والناقة ما ترضع الخروف.
18 - الطلاب يطلب و مرتو تصدق.
19 - العمش فدار لعمى بعينيه.
20 - العمى و العميات و ظفار الجنيات، الأولى تصوت، و الثانية تلوط، و الثالثة تضرب
21 - الفقيه اللي نتسناو براكته ادخل للجامع ببلغته.
22 - الفقيه دحمان، قرا البرة سبع ايام، و قاليهم الخط عيان.
23 - الكلب الى ما نبح ماعند مولاه فيه ربح.
24 - اللّْسَانْ يْسَبَّحْ والقَلْبْ يْذَبَّحْ.
25 - الله يرحم من زار و خفف.
26 - اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ.
27 - اللي بغا يدفع البلا يتوضأ للصلا.
28 - اللي بغى الزين، يصبر لتقيب لودنين.
29 - اللي بغى لعسل يصبر لقريص النحل.
30 - اللي جا على المناول سدة، و اللي جا على الغذا تغذى.
31 - اللي خلى غذاتو لعشاتو، ما شفع ذاتو.
32 - اللي دارها بديه افكها بسنيه.
33 - اللي سبقك بليلة سبقك بحيلة.
34 - اللي عضو الحنش، تيخاف من الحبل.
35 - اللي قال العصيدة باردة، ادير يدو فيها.
36 - اللي قال ليك العرس ساهل يسقي لو غير الما.
37 - اللي قال ليك قال عليك.
38 - اللي ما جا بالمحبة مايجي بحزارة.
39 - اللي ماقدو الفيل، زيدوه فيلة.
40 - اللي مدت يدها للحنة، تمدها كلها.
41 - المعروض فنهارو، يبقى فدارو.
42 - المَكْنَاسِي جْوَابُو في فَمُّو والتِّطْوانِي حْتّى يشاور أمه.
43 - المندبة كبيرة و الميت فار.
44 - الناس في الناس والقرع في مشيط الراس.
45 - النمل الى بغى يعذبو الله، تيدير ليه الجناح.
46 - النواض (لفياقة) بكري بالذهب مشري.
47 - الهضرة عليك أ لحادر عينيك.
48 - الى تقادو لكتاف يعود الكبير يخاف.
49 - إلى طلقتي المرا، ما توريها دار باها.
50 - إلى عطاك العاطي، ما تحرث ما تواطي حتى الجبال الطاطي.
51 - إلى مات البو توسد الركبة، الى مات الأم توسد العتبة.
52 - إلى مشى الزين ابقاو حروفو.
53 - الِّيْ تْرَهْنُو بِيعُو، والِّيْ تَخْدْمُه طِيعُو
54 - الِّيْ تْهَرَّسْ لو مْنْجْلُو يَعْمَلْ مَنُّو مْحَشَّةْ.
55 - الي دار راسوا قي النخالة ينقبوه الدجاج.
56 - الِّيْ شَفْتو رَاكْبْ عْلَى قَصْبَة قُولْ لُو مبروك العُودْ.
57 - الِّيْ ما عَنْدُو مَا يَشَدّْ إِشَدْ فَمُّو.
58 - الِّيْ ما يكون عَنْدُو العسل في دَارُه يكون عَنْدٌو على طرف لْسَانُو.
59 - الِّيْ مَاتْ لُو غْزَالُه أَشْ مْنْ حْبِيبْ يْبْقَى لُه.
60 - الي وصل بلاد غير بلادو خل الهم لولادو.
61 - الِّيْ وْفَى أَجْلُه يْمَدْ رَجْلُه.
62 - الِّيْ يْعْمَلْ رَاسُه في المَزْبَلَةْ كَيْخَرْبْشُوهْ الدّْجَاجْ.
63 - امدح صاحبك مع الناس، و لومو الراس فالراس.
64 - انا في همو كندادي وهو فتقلاع وتادي.
65 - تا تطلب الزيت من السفناج.
66 - تفكر حبيبك و هواه، تفكر فعايلو و نساه.
67 - تيبيع القرد و تيضحك على اللي شراه.
68 - جا اطبو عماه.
69 - جا ايعاونو فقبر باه، هرب لو بالفاس.
70 - جا يكحلها عماها.
71 - حتى كلب ما تيهرب من دار العرس.
72 - حزموني ورزموني ولا تعولو عليا.
73 - حل عينيك قبل الزواج، أما بعدو غير غمضهوم.
74 - حماتي لالتي و بنتها مولاتي.
75 - حماتي و جه الدلو، هي حارة و ولدها حلو.
76 - حوتة كتخنز شواري.
77 - خبز الدار ياكلو البراني.
78 - دخل ياكل الفريك أصبح معانا شريك..
79 - دخلناهم يشربوا الرايب قالوا حقنا فالزرايب.
80 - دوام الحال من المحال.
81 - دِيرْ عِينْ شَافَتْ وَعِينْ مَا شِافْتْ.
82 - دير ما دار جارك ولا حول باب دارك.
83 - زواج ليلة تدبيره عام.
84 - سال المجرب ماتسال الطبيب.
85 - شكارت العروسة مها، خالتها و الحزارة جارتها.
86 - شكون يحك القرع غي ظفارو.
87 - شوف بيتو، وخطب بنتو.
88 - ضربني و بكى، سبقني و شكى.
89 - طاحت الصمعة، علقو الحجام.
90 - عشرة د ليهود على قنفود ومادبحوه .
91 - عطاونا ثلث كواش، منهم غطا و كواش.
92 - علاش عطيتي ميتين يعطي لباك كيتين، لا خد حمر لا سوالف ملوية.
93 - على دخول الحمام بحال خروجو
94 - على قد لحافك مد رجليك.
95 - عند رخصو تخلي نصو.
96 - عيات موت الحمق ما تعض فشاربها، قاليها من جهتي غير قطعيه.
97 - عيبك أولية ربيه ليا.
98 - عين بنادم مايعمرها غي التراب.
99 - فالمقلة و تيحنزز.
100 - قبتنا مزلقة وكلها معلقة
101 - قلب البرمة على فمها، تطلع البنت لمها.
102 - كثرة عطيني ما تخلي حد يبغيني.
103 - كون أزماني حرش، و ها وجهي بوس و طرش.
104 - كون تصحابها تكتاب، من دق الباب.
105 - كون كان الخوخ تايداوي كون داوى راسو.
106 - لا تسرج حتى تلجم و عقد عقدة صحيحة، و لا تكلم حتى تخمم لا تعود عليك فضيحة.
107 - لا ديالي بقا ولا وجهي تنقى.
108 - لالا زينة و زادها نور الحمام.
109 - لعض الحنش ايخاف من الحبل
110 - لو كان الصفيحة ترد العار، لو كانت رداتو على الحمار.
111 - لو كان ما رَفْدٌونِي مْنْ تَحْتُو كُونْ قْتَلْتُه.
112 - لوجه المشروك عمر ما يصف.
113 - لولوش فوق الهدروش
114 - لِّي رْبَّا الغُرَابْ يُنْقَبْ لُو عِينُو.
115 - لي ضروا رسوا، اعاود لرسوا.
116 - لي كَيْغَنِّي هْمُّه كَيْسَلِّي.
117 - لِّيْ مَا عَنْدُو فُلُوسْ كْلاَمُوا مَسُّوسْ.
118 - لي مَا وَاتَاهْ الأخضر مَا يْلْبَسْ مَا يَحْضَرْ.
119 - لي ما وتاه العَكْري يمد رُوحُه بَكْرِي.
120 - ما تقطع الواد حتى تبان حجارو وما تمشي في الليل حتى يطلع نهارو وما تصحب
121 - ما تيحس بالمزود غير اللي مضروب به.
122 - ما حد ليتيمة تتبكي، و ربي تيزيدها.
123 - ما صَابْتْ المَغْبُونَةْ بَاشْ تْذَكَّرْ مْشَتْ للجامع تْوَذَّنْ.
124 - ما غْسْلْ حْصَايْرو يَغْسَلْ ذْ الجَّامَعْ.
125 - ما كينسي البنت في امها غير همها.
126 - ما مور الشدة الا الفرج.
127 - ما نعطيوش خيرنا لغيرنا.
128 - مَا هُوَ العِيبْ على من حرث في السطح، العيب على من خَمَّسْ عليه
129 - مَا يْقُولْ الحَقْ غير الصغير أو الاحمق.
130 - مَا يْنْسَاوْ لْحْسَايْف غير أولاد التَّلايفْ.
131 - مبعيدة غير تادلة اما سبع حمير موجودة.
132 - مكلسني كلسة خوك و حاسبني حساب عدوك.
133 - مَنْ دَرْجْ لْدَرْجْ حتّى يْجِيبْ الله الفَرْجْ.
134 - من فوق الجذام ما بْقَتْ حتى عْلَّةْ.
135 - مْنْ لاَ عْشَا في كَمُّه يْحْرَقْ أبُوهْ و أمه.
136 - موت الاحْبَابْ تَتْعَوًّجْ الايَّامْ.
137 - مي، أجي نوريك دار خوالي.
138 - مية تخميمة و تخميمة ولا ضربة بمقص.
139 - نوصيك يا واكل الخوخ من عشرة رد بالك ، في النهار تظل منفوخ وبالليل تبات هالك
140 - هاك و ارا، ما فيها حزارة.
141 - هْمُومْك أعْملْها في شبْكةْ شِي يْطِيحْ شِي يبقى.
142 - واحد يَاكُلْ الفُولِْ والاخَرْ يْتْنَفَّخْ فيه.
143 - وجه الشارفة ما يخفى، ولو تحكو بالحلفة.
144 - وَرثَة أو حَرْثًة ولا سير حتى.
145 - وريه وريه، و الى عما سير و خليه.
146 - وَقْتْ احْتَاجيتْكْ يا وجْهْي خْرْبْشْوكْ لقْطُوطْ.
147 - /—————————————————————————–
148 - آ المزوّق من برّا آش خبارك من دّاخل
149 - إتبع الحمـار يعلمك الشهيك ولآ النهيك ولآ خـرجـان الطـريق
150 - اتبع صنعة بوك ليغلبوك
151 - اتكايس على ادحيشك اتحج عليه
152 - اج امي نوريك دار خوالي.
153 - احمر يا المشكورة، دبحو الجرو وصلاو على الهيدورة.
154 - اخدم بكري ولا روح تكري
155 - اخدم على عرضك حتى يشيع ومنين يشيع يحدم عليك
156 - اخدميا صغير لكبري ووفر يا غناي لفقري
157 - ادعاوي بارشاوي.
158 - ادفع ما في الجيب يجيب الله ما في الغيب.
159 - ادهن السير يسير.
160 - إذا بلاك الله بالسعاية، قصد الديور الكبار
161 - إذا حبك حبه أكتر وإذا تركك لا تسأل عليه
162 - إذا شفت لا تخبر وإذا سألوك قول: لا لا
163 - ازرب تعطل.
164 - إسمحوا ليـا، اللسان مافيه عظم.
165 - آش خاسّك آلعريان خاصّني خاتم باش نزيان
166 - أش خاصك العريان الخواتم آمولاي.
167 - اش يقدك من الصلاة يا البايت بلا اعشى.
168 - اشعند الميت ما يدير قدام غسالو.
169 - اضحك والعب مع الناس فمك متن له لجامه
170 - اطلع امساري واهبط شاري.
171 - اعمى بن اعمى لي كيشوف الغيام فالسما و كيدير حيكو فالما
172 - إلا حلفوا فيك الرجال بات ناعس ، إلا حلفوا فيك النسا بات فايق.
173 - إلا شفتي النحل في الباب، عرف بأنه العسل في القصعية.
174 - إلا طردك البخيل، عند الكريم تبات.
175 - إلا فاتك الطعام، قل شبعت. إلا فاتك الكلام، قل سمعت.
176 - الاجر كيولي راجل وكيضرب باللواجر.
177 - الاول علاش تعول.
178 - الباب المحلولة كتدخل الغول و الغولة
179 - البخيل اللهم فرجلو ولا في النعالة
180 - التاجر الا طلب لولاد كيجيه غير الريال و المسكين الا طلب الريال كيجيوه لعيال
181 - التالي سعدو عالي.
182 - التبن والراحة ولا الزرع والفضيحة
183 - الثالثة ثابثة.
184 - الثقل والعقبة والحمار يهودي.
185 - الثلث الخالي في الدنيا هو راس بنادم
186 - الثَّوْرْ الْعَيَّافْ يْشْرْبْ الْغَيْسْ
187 - الجـدي مـا كيلعب غيـر في حجـر أمه
188 - الجديد لو جدّة، والبالي لا تفرّط فيه.
189 - الجزار كيتعشى باللفت
190 - الجمل ماكيشوفش حدبّتو، كايشوف غير حدبّة خوه
191 - الحجلة الخفيفة من سعد الصياد
192 - الحر بالغمزة، والعبد بالدبزة.
193 - الحرة إلا صبرت دارها عمرت.
194 - الحرث بالنية والزواج بالنية.
195 - الحسد حتى على القروعة.
196 - الحنة حرشة و الحناية عمشة و العروسة فيها بو تفتاف
197 - الحنة ما زاة فظفارها والخطاب جابو خبارها
198 - الخادم باللثام، بحال الحمارة باللجام.
199 - الخُبْز والمَا مَا تْخَلِّي عَلَى القَلْبْ غمَّه.
200 - الخدمة جات يا الرجل طيح الباب وردها مغازل
201 - الخُوَّافْ مَا تْخَاف عْلِيهْ أمّه
202 - الخير عقبة والشر حدورة
203 - الخير كيجلس والهم كيكمش.
204 - الخيل واقفة و الحمير تتبورد.
205 - الخيمة الكبيرة، ايلا ما عشات تردف
206 - الدّار اللّي ما فيها خليع جيعانة
207 - الدجاجة في الموت و عينها في النقيب
208 - الدْرَارِي مَا كْلَتْهُمْ تْجَارَه ، وكْسْوَتْهُمْ خْسَارَه
209 - الدليل فالرجال هو اللي كيعطي الضحك لجار و الهم لدار
210 - الدنيا دراعة كل واحد كيلبسها ساعة
211 - الدوام يثقب الرخام.
212 - الربعة د اليهود.
213 - الرجل بالهمة أما اللحية راها حتى عند العتروس.
214 - الرزق قليل و طاحت فيه دبانة
215 - الرزق لحلال صافي بحال لهلال
216 - الرَّيْ دَبَّا عْمَّارْ، بَاعْ الدَّارْ وْشَرَا الْحْمَارْ
217 - الزَّلْطْ والتّفْرْعِينْ بْحَالْ دَبَّانْ الزَّبّابْلْ
218 - الزواج والموت هم لا يفوت.
219 - الزيادة من راس لحمق.
220 - الزين بحروفو جيبوه ليا نشوفوا
221 - الزين تيحشم على زينو والخايب الا هداه الله.
222 - الـزين في الذفلة و عروقهـا حـارّين
223 - الزين، الا زين الفعال.
224 - السراغنة قل الناس، ومسيوة قل وقل.
225 - السرج المزيان هو اللي كايسوسو مولاه
226 - السفيه ما كينطق غي بلي فيه.
227 - السكات عمرو يغدر مولاه
228 - السّكع يلا دار مزيّة، يهرّس لمّو قسريّة
229 - السلطان بالتاج و كيحتاج.
230 - السوسي المرا والتجارا، العروبي المرا والحمارا، والمديني المرا والخسارة.
231 - السوق حامي والدّْلاَّلْ رامي والشاري عْوْرْ
232 - الشاشية قد الراس.
233 - الشاكر العروسه امها و اختها و الجالسه قبالتها
234 - الشطابا أعروسا والجفاف أنفيسة.
235 - الشلح إلا تبلد، بحال البندير إلا تجلد.
236 - الشوف ما تيبرد الجوف.
237 - الصغير فيهم كايعمي، بحال أولاد ابن الاحمر.
238 - الصنعة يلا ما غنات كتستر واقيلة كتزيد فلعمر.
239 - الضحك كيفصخ البيع.
240 - الضر المنعوت اللبن والحوت
241 - العايق حاضي العايق والدمدوما قاضي حاجتو (العايق=المتذاكي، الدمدومة= المتغابي)
242 - العبد في التفكير و الرب في التدبير
243 - العتبة مجرودة والركاني بالدودة.
244 - العراضة سنة و العاقل ما كيدنى.
245 - العز والنصر والسكنة فلقصر.
246 - العشق المزروب، كله عيوب.
247 - العقبة ف وجه لحباب حدورة
248 - العكر فوق الخنونة.
249 - العيب على الجمل الى طلع للسطح أما الديك هاديك سيـرته
250 - العِيبْ ماشي على من حرث في السطح العيب لي فالموت وكاي يشطح
251 - العين صعيبة تتقتل الكسيبة وتخوي الزريبة
252 - الغربة كتلوح حتى لبلاد الشلوح.
253 - الفاهم يفهم.
254 - الفرنك البيض ينفع في النهار الكحل
255 - الفقيه اللي كنتسنـاو باراكته دخل للجامع ببلغته
256 - الفقيه حُمْيان قْرَا فَالْبْرَا سَبْع أيَّام وقالْهُم هَذْ الخَطْ عْيَّانْ.
257 - الفم المسدود ما يدخله ذبـان
258 - الفياق بكري بالدهب مشري.
259 - القرد في عين أمو غزال
260 - القرع بفلوسو ارى ديك الراس نبوسو.
261 - الكبير تدبير
262 - الكذوب ما عنده رجلين
263 - الكلب يلا انضام كيردها لنيابو و الحر كيردها لدراعو.
264 - الكَيْ فَالبْغَالْ وَالْحْمِيرْ مَالْهَا تْزَعْرَطْ
265 - الكيس ف الرجال ميزانو عينيه
266 - اللبن والزبدة كانو خواتات ما فرقوهم غير لعيالات
267 - اللحية مكترفد اللحية غير لقبر.
268 - اللسان طويل و الدرع قصير.
269 - الله يْجِيبْ اللِّي يَحْسْنْ بِنَا، يْعْطِينَا بْنْتُو وْيَخْدَمْ عْلِينَا
270 - الله يجيب اللي يفهمنا ولا يعطنشاي.
271 - الله يرحم من زار وخفّف
272 - الله يعطينا شي نقرة فين يغبر نحاسنا.
273 - الله يلعن كاس البلار اللي نشرب فيه المرار
274 - الله ينجيك من الساكت إلا دوا
275 - الله ينعل اللي يتيق، حتى فخوه الشقيق.
276 - اللهم اعمش ولا اعمى.
277 - اللهم النعاس في البرد ولا ضيافة القرد
278 - اللهم النعاس في الخلا ولا ضيافة البخلا، اللهم النعاس في البرد ولا ضيافة القرد.
279 - اللَّهُمَّ بْخُّوشَه وْتْونّس وَلاَ يَا قُوتَه وْتْهَوَّسْ
280 - اللهم قطران بلادي، أولى عسل بلادات النّاس.
281 - اللوسة سوسة.
282 - اللي اتخدمو طيعو و اللي اترهنو بيعو.
283 - اللي احشم فما ضرو الشيطان غرو.
284 - اللي احفر حفرة ايطيح فيها
285 - اللي اربحتيه تاكله و الدين باش تخلصو ؟
286 - اللي اطيبو المعفونة ياكلو رجلها.
287 - اللي باعك لا تشريه
288 - اللي بغا العسل يصبر لقريس النّحل
289 - اللي بغا الوضوء الدايم يتوضا بالما السخون في الصمايم
290 - اللي بغا طريق المحكمة، يوجد الدرهم المصرف، والصباط المطرف.
291 - اللي بغا يدفع البلا يتوضأ للصلا.
292 - اللي بغا يكبر شانو ، يحرث مع قرانو
293 - اللي بغاك بغيه و اللي نساك سير وخليه
294 - اللي بلاش منو كثر منو
295 - اللي بلاه الله بالسعاية، يقصد الديور الكبار.
296 - اللي تسحر مع الدراري، يصبح فاطر.
297 - اللّي تشريه بيعو و اللّي تعبدو طيعو
298 - اللي تطوف ما تغزل الصوف
299 - اللّي تطوف ما تغزل الصّوف ( التي تخرج من البيت لتتصكع لن تغزل الجلباب بعد الزواج)
300 - اللي تيركب لحصان كل الناس اتوسعلو لمكان.
301 - اللي تيشطح ما تيغطيش وجهو.
302 - اللي تيكون اناني تيبقى وحداني.
303 - اللي حب الخدم، لا بد يندم، لا سيفة زينة لا قلب مسلم.
304 - اللي حبابو عريانين عمرو ما يتكسى.
305 - اللي حبك حبه أكثر واللي باعك لا تشتريه
306 - اللي حبك ما بنالك قصر واللي كرهك ما حفرلك قبر.
307 - اللي حرثو الجمل، دكو.
308 - اللي حصل يودي.
309 - اللي خاف نجا.
310 - اللِّي خَانْهَا دْرَاعْهَا تْقُولْ مْسْحُورَة.
311 - اللي خرج من دارو كيتقل مقدارو.
312 - اللي خلاّك هنّاك
313 - اللي دا بنت عمه بحـال اللي عيد من غنمه
314 - اللي دا شي، اداه، واللي زلق جا على عين قفاه.
315 - اللي دار راسو في النخالة، تينقبو الدجاج.
316 - اللي دارها بيديه يفكها بسنيه.
317 - اللي درقك ابخيط درقو بحيط.
318 - اللي درّكك بخيط، درّكو بحيط (من آختبأ عنك بخيط إختبء عنه بحيط)
319 - اللي دفع عليك سنطيحة. دفع عليه عشرة (السنطيحة = الـتكـبر)
320 - اللي ربط حمارو مع الحمير كيتعلم الشهيق و النهيق و الخروج على الطريق.
321 - اللي زربوا ماتوا.
322 - اللي زرع الشوك تيحير فاحصادو.
323 - اللي زرع حبّة ديال العار كيحصدو بقنطار
324 - اللي سكت على اللي ضرّو، الشّيطان غرّو
325 - اللي شاف شي يقول الله يستر.
326 - اللي شفتيها بسعدها عرفها كتكمل من عندها
327 - اللّي ضرباتو يدّو ما يبكي
328 - اللي ضرقك بخيط ضرقو بحيط.
329 - اللِّي طَيْبَتُو الْعَمْشَا، يَاكْلُو رَاجْلْهَا.
330 - اللي عضو الحنش كيخاف من الحبل.
331 - اللي عطى راسو للحجام، يصبر.
332 - اللي عنده امه في البيت يدهن فمه بالـزيت
333 - اللي عندو الزعفران بزاف كيديرو حتى فالبابوش
334 - اللي عندو باب وحدة الله يشدها عليه.
335 - اللي غلب يعف..
336 - اللي غلبـوه اليهـود كيمشي لليهـوديات
337 - اللي فات مات
338 - اللي فاتك بليلة فاتك بحيلة.
339 - اللي فاتك خليه لبناتك
340 - اللي فالبيضة عر من اللي فقص .واللي فالكرش مضا من المقص
341 - اللي كايعمله يبليس في عام كاتعمله العكوزة في ساعة.
342 - اللي كثرو همومو كثرو اعجوبو.
343 - اللي كيربي ولاد الناس بحال اللي كيدق الما فالمهراز
344 - اللي كيشطح، متيضرق لحيتو.
345 - اللِّي كَيْعَمْلُه يَبْلِيسْ فْعَام، تْعْمله العْكُوزَة فْسَاعهْ.
346 - اللي ليها ليها
347 - اللي ما تدي منو فائدة و ما يكلسك على مائدة، رفاقتو زائدة
348 - اللي مايخيط كساتو، مايطيب غذاتو، مايحلب شاتو، عزيه فحياتو.
349 - اللي ما جاب لا قلام ولا دواية ما عول على قراية.
350 - اللي ما جابتو المحبة ما تجيبو الحجارة.
351 - اللي ما شاف من عين الغربال اعمى
352 - اللي ما علمك فرض ولا سنة تركو تهنا
353 - اللي ما عندو سيدو عندو لا لاه .
354 - اللي ما عندو فلوس ديو مسوس و جلاسو بين الناس خسارة
355 - اللي ما عندو فلوس كلامو مسوس.
356 - اللي ما عندو مال ديما وجهو مذبال
357 - اللي ما عندو هم كيولدوهلو لخدم.
358 - اللي ما لقى الخير فركانو يكون الخير فلسانو.
359 - اللي ما يزرعش ما يحصدش الجهود العمل الجاد هما مفتاح النجاح وتحقيق النتائج المرجوة
360 - اللي ما يعرفش يتكلم ما يتكلمش يعني أن الشخص يجب أن يكون ملمًا بالموضوع قبل التحدث عنه
361 - اللي ماجي لعندك لا تمشي عنده.
362 - اللي ماعندو البنات، ماعرفوه النّاس باش مات
363 - اللي ماعندو فلوس كلامو مسوس.
364 - اللي مشى بلا عراضة يجلس بلا فراش.
365 - اللي مشيت على قبلو ماجبتو، واللي خليتو مالقيتو .
366 - اللي هرس يخلص.
367 - المحامي، شفار و متيخونش، الطبيب، جزار ومتيدبحش.
368 - الْمَدْسُوسَة تْهَرَّسْ الْمَحْرَاثْ
369 - المذبوحة كتضحك على المسلوخة .جات مقطوعة الراس قالت الله ينجينا من هاذ الناس
370 - المرا اللي تطوف ما تغزل صوف.
371 - المرا إلى شافت الشيب بحال النعجة إلى شافت الذيب
372 - المرأة، شاورها ومتديرش برايها.
373 - المزغوب حتى ليلة عرسو قصيرة
374 - المعصورة دم والمحلوبة حليب
375 - المكسي بحوايج النّاس عريان
376 - المكسي ما دري بالحافي والزاهي يضحك على الهموم
377 - الموت بالردم ولا معاشرت لخدم.
378 - النَّاس فِالنَّاس والْقَرْعة فْنْتِيفْ الرَّاسْ
379 - النِّاسْ كَتْغْلْبُو وْهُوَ كَيْغْلْبْ عَيْشَه خْتُو.
380 - النهار المبارك عليك واحد يغديك و واحد يعشيك و النهار الصكع عليك واحد يدعيك و واحد يشهد فيك
381 - النهار بعويناته والليل بوديناته.
382 - الهدرا بلا زيادة، بحال الموت بلا شهادة.
383 - الهضرة للسارية و المعنى للجارية.
384 - الهم المنحوس، خليتو فدار با لقيتو فدار العروس.
385 - الهم هم لحمار .أما القط كيتسارا سبع ديار
386 - الوافي مايحافي..
387 - إلى بغاوك بلا ما تشقى ويلا كرهوك ما تكتر نفقة
388 - إلى روات الصحرا الله يهنيك آلغرب
389 - إلى شبعت كل الرمان ويلى جعت كل الرمان
390 - إلى صبت في الليالي افرح يا عيالي
391 - إلى كانت دارك من زّاج ، متضربش ديور النّاس بالحجر
392 - إلى هاج البحر كيعيط للشتا
393 - الي ما قدرات تكون نجمة فالسما,تكون شمعة فالدار
394 - الي وصل بلاد غير بلادو خل الهم لولادو
395 - اليد اللي طعمتنا الحلال تيكونو ناسها قلال
396 - اليهود، كول مكلتهم ولا تنعس في فراشهم“، لازدواجية التعامل معهم
397 - اما من هم تقراه ولا تراه.
398 - امدح صاحبك قدام الناس و لوح صحبك الراس فالراس.
399 - انا بلقمة لفمو و هو بالعود لعينية.
400 - انا تنكول لحبيبي وحبيبي تايقول لحبيبو وكلامي فين مامشيت نصيبو
401 - انا في همو كندادي وهو فتقلاع وتادي
402 - انا نشكيلو بالعكر و هو كيقول لي اش خبار الدراري
403 - انت مير و انا مير شكون يصوك هاد لحمير
404 - إيلا ارخص الشعير اغلات الحمير.
405 - إيلا كان حبيبك عسل ما تلحسوش كلو (إيلا = إذا)
406 - ايلا مات الأب وسد الركبة و ايلا ماتت الأم وسد العتبة (إذا مات الأب...)
407 - إيوا هاذي خياطة حمقة.فين المقص فين الحلقة؟
408 - خلي الزنا والسرقا، ودير مابقا.
409 - بات ماصبح.
410 - باش تاكل الشوك أ عمي الجمل، باللسان لحلو.
411 - بالحفا والجفا، بحال خدام الشرفا.
412 - بالفلوس دركت الكلمة و صبحت كنتكلم بالحكمة.
413 - بت نبت.
414 - بحال العجوزة، إلا ما هدرات تهز راسها.
415 - بحال الكسكاس مللي كيقوى رزقو كيتغمضو عينه.
416 - بحال اللي دافع اليهودي للجامع..
417 - بحال اللي كايحسن لولاد اليهود لا أجر لا منفعة.
418 - بحال اللي كايخو الما على القرعة.
419 - بحال اللي كيعطي الجوهر للدجاج.
420 - بحال اللي كيعطي الجوهر للدجاج.
421 - بحال جنان اليهودي، كولو ولعن مولاه”، للجحود،
422 - بحال عاتق اليهود، زوجوني ولا نسلم.
423 - بحال مزلوط اليهود، لا دنيا لا آخرة.
424 - بحال مقابر اليهود، البيوضا وقلة الرحمة.
425 - بحال مول الفران، وجهو للنار، وظهرو للعار.
426 - برق ما تقشع..
427 - بَشْحَالْ الْقَوْس أَمُولْ الْقَوْس؟ دَابَا يْحْيِيكْ الله وَتْشْرِيه بْلاَ فْلُوسْ.
428 - بنت الدليل وبالثمن.
429 - بهت النساء بهتين من بهتهم جيت هارب يتحزموا بالأفاعي ويتخللوا بالعقارب
430 - بيضة اليوم احسن من دجاجة غدا
431 - بيه فيه.
432 - تخدم بشفار اعياني وما بقى في ابداني ولا نتحت لجيراني
433 - تقول مربي فلملاح
434 - تلحفت بإزار وجبت لبلى الدار
435 - تيتي نيني
436 - تيدور الزرع حتى كيدور وكيرجع لعين الرحى.
437 - تيقرا البرا من قفاتها.
438 - جا لبلاد فليو، وامرض بالرواح.
439 - جا لبلاد فليو، وامرض بالرواح.
440 - جا لوسط الملاح، وقال ألعاشقين في النبي صلوا عليه.
441 - جا يكحلها عماها.
442 - جاري لقـريب خيـر من خـويا لبعيد
443 - جالس على الزبالة ويحكم على الدبانة
444 - جغمة من البحر و لا اجميل الكرابة.
445 - جلدا وما يندا
446 - جلسة احسن من وكلة.
447 - جوع كلبك يتبعك.
448 - جـوعي في كـرشي وعنايتي في راسي
449 - جيتي من البرية وابغيتي تاخد الولية.
450 - حاسبني حساب عدوك و جلسني بلاصت خوك.
451 - حانوت غالي ولا حانوت خالي
452 - حبوبة ف وجهي حكيتها سال دمها، خليتها زاد همها
453 - حتى تطيح الشتى يا قرمان عاد يصبن حوايجو حمان.
454 - حتى خروف ما زاد بصوفه
455 - حتّى زين ما خطاتو لولا حتّى باللعمان فيه الكحولة (باللعمان = نوع من الورود)
456 - حتى قط مكيهرب من دار العرس.
457 - حتى كينعسو الطيور عاد كتقوم الهامة دور.
458 - حتى يخلاق عاد نسميوه عبد الرزاق.
459 - حج و حاجة و قضيان حاجة.
460 - حدو قدو.
461 - حديث النساء يونس ويعلم الفهامة
462 - حرتا ولا ورثا ولا سير حتى…
463 - حساب الشكارة الربح أو الخسارة
464 - حسدو العمى على عكازو.
465 - حسن ليه بلا ما.
466 - حسي مسي.
467 - حط حمارك مع الحمير، يتعلم الشهيق والنهيق، وخرجان الطريق.
468 - حطو سطل بلا تقرقيب، يعني اللي عاملك بطريقة سيئة اخرج من حياتو سكيتي ولا تعاتبه ولا تلومه
469 - حلفات العروسة ما تحب الحماة حتى تبياض الفحمة
470 - حلوف كرموص.
471 - حن تمحن
472 - خاتم وحدة ما تروم لجوج صباع..
473 - خاتم وحدة ما تروم لجوج صباع..
474 - خايبة و تنوس و لا غزالة و تهوس
475 - ختار الجار قبل الدار.
476 - خدم يا التاعس لناعس
477 - خدمت عند عرّت الناس في وجبة العشا يطردوني
478 - خديم الرجال سيدها
479 - خذ المرا الأصيلة ونام على الحصيرة.
480 - خروج الليالي نعايم خروج الصمايم نقايم
481 - خسارة على النوار فالدفلة، والدفلة مرة.
482 - خسارة فاليهودي عينيه.
483 - خسارة فاليهودي عينيه.
484 - خضرة فوق طعام.
485 - خفيف الأقدام يمل ولو كان وجهه مرايا
486 - خلي الزنا والسرقا، ودير مابقا.
487 - خليني نبلع ريقي حتى نعرف عدوي من صديقي.
488 - خياطة مزيانة أحسن من سجية مدبرة
489 - خيرو تحيرو.
490 - خيط وفتق .إيوا لعشية شوف آش تنفق
491 - خيطي بيطي.
492 - دابا كلينا وشربنا ……ونسينا الحرابل باش سعينا
493 - دارنا ساترة عوارنا.
494 - داقو سعيد، وجاه لذيذ، وحلف حتى يزيد.
495 - داقو سعيد، وجاه لذيذ، وحلف حتى يزيد.
496 - دباز لحباب من العتبة للباب
497 - دخانهم عمانا، وطعامهم ما جانا
498 - دخل ياكل الفريك أصبح معانا شريك
499 - دخلناهم يشربوا الرايب قالوا حقنا فالزرايب
500 - درجة بدرجة حتى يحن مول الرجا
501 - دعوة الشريف ولا دعوة العريف
502 - دهن شواربك بالسمن و دوز على عدوك مصبن.
503 - دوام الحال من المحال.
504 - دور و تبرم.
505 - ديـر النية ونـعـس مع الحية تصبـح لك حـاجتك مقضية
506 - دير ما دار جارك ، أو حيد من حداه.
507 - دير ما دارك جارك، ولا بدل باب دارك.
508 - ديق حتى تعرف خبارو.
509 - رَاجْلِي عْلَى سَبِّه، طْلْقْنْي عَلَى حْزْقَة
510 - راح ذاك الزمان وناسه وجاء هذا الزمان بفاسه
511 - راكبه على ظهر السبع وتقول الحدايات سيأكلوني
512 - ربّي كَيَرْزَقْ كُل رُوحْ بَاش تْرُوح
513 - رْحَمْ الله مَنْ زَار وَخَفّفْ
514 - رْضِتْ بالوِيلْ والويل ما رْضَي بِيّ بَيَتُّه عَنْدْ رَاسِي وْصْبَحْ عَنْدْ رْجْلِي
515 - رضينا بالويل ما رضا بينا بيتناه عند راسنا صـبـح عند رجلينا (الويل = الإنسان القدر)
516 - زايد ناقص..
517 - زرب تعطل.
518 - زلقت بيه رجليه طيح الباطل على البلغة
519 - زواج ليلة تدبيرو عام
520 - زوق تبيع.
521 - زيد الما زيد الدقيق.
522 - سافر تعرف الناس وكبير القوم طيعه
523 - سال لمجرّب لا تسال الطْبيب
524 - سبق الميم ترتاح
525 - سخونية الرّاس كاترجع على مولاها بالبرودة (مولاها = صاحبها)
526 - سر فـر.
527 - سْلّمْ عْلَى الْعَرْبِي تْخْسَرْ خُبْزَة
528 - سوق النسا سوق مطيار ياالداخل رد بالك
529 - سيدي الفقيه يْدُّو فِالدَّوايَة وعَيْنُه تَتْغْمْزْ
530 - سيدي حادق و لالا احدق منو ، سيدي احسابو القديد و لالا كتقطع منو
531 - سير مع اليهود، وخلي الجيران شهود.
532 - سَيْفْطْنَاهَا تْجِيبْ الْقَصْبُورْ، جَاتْ حَامْلَة بَسَبْعْ شْهُورْ.
533 - شاري من تحتشاري من سخط الباري
534 - شاور مراتك واعمل ريك، شاور مراتك وخالف ريها.
535 - شْحَال مَا طَالْ اللِّيلْ كَيْطْلَعْ النّهار
536 - شرّح ملّح.
537 - شري تربح
538 - شط الحرير حتى تلحسو بيه لمقالي.
539 - شم ولم.
540 - شن الطن.
541 - شـوف العودة عـاد تشـري بنتهـا
542 - شوف تشوف.
543 - شي عطاتو، و شي زواتو، و شي جابتو علا عين قفاتو
544 - شي فالحلقوم شي تيقولو قوم
545 - شي فالضحك غرقان اشي فالهم حيران
546 - صرف اليهود معقول لعنهم الله”، للاعتراف بقدرات اليهود التجارية،
547 - صفي تشرب.
548 - صْلاَةْ القُيَّادْ الجُمْعَة والْعْيَادْ.
549 - صيـاد اللبية يلكـاهـا يلكـاهـا
550 - ضربة بدمها ولا كلما بسمها
551 - طاجين الشمايت، النصبا وقلة ليدام.
552 - طاح الحك فالما، وصاب غطاه تما.
553 - طاح الحك فالما، وصاب غطاه تما.
554 - طاح الحيط على ظله
555 - طاحت البصلة في الملاح.
556 - طبيب سلاوي، ما يجرح ما يداوي.
557 - طل طل تشبع ضحك.
558 - طلع تاكل الكرموس ، نزل شكون قالها ليك.
559 - طيب الباكورة باختها
560 - عاند لاتحسد.
561 - عاين باين
562 - عدي بالنعالة حتى يجيب الله السباط.
563 - عز الخيل مرابطها.
564 - عشا الحادكة كيتشم من العاصر
565 - عشاق وملال.
566 - عَشْرَة دْالْعْسَارَى مَا يْكْتْفُو شِي الدْجَاجَة 111111
567 - عشرة في عقل
568 - عشرة في عقل.
569 - عْطِينِي بْنْتْك، وْزِيدِينِي عَوْلَتْهَا كَّمْحْ
570 - عطيه شبر ياخد ميتر...
571 - عَلّفِيهْ عَامْ مَا يْشَبّعْكْ لِيلَة
572 - على قد لحافك مد رجليك يعني أنه يجب على الشخص أن يتكيف مع الظروف والموارد المتاحة لديه
573 - على قلة الوالي، نقول للضراوي خالي.
574 - على قلة الوالي، نقول للضراوي خالي.
575 - على من كتقرا زابورك أداود.
576 - على من كتقرا زابورك أداود.
577 - على من كتقرا زابورك أداود.
578 - عمر الشطاح ما كاينسى هزة الكتف.
579 - عند رخصو، تخلي نصو.
580 - عندها ساق عجمية، وسالف يهودية.
581 - عندها ساق عجمية، وسالف يهودية.
582 - عندها ساق عجمية، وسالف يهودية.
583 - عيبت المدبوحة على المشلوخة قامت مطيورت المخ كتحامي.
584 - عِيشَه تْبِيعْ الزِّيتْ، وحْمُّو ناعْس فِالْبِيتْ
585 - عيطت على ديالي جاني عيطت على ديال الناس مشى و خلاني.
586 - عينك ميزانك.
587 - عيني فيه و ما قديت عليه
588 - غرزة زايدة فيا و هم لعرى فايت في
589 - غرزة زايدة فيا و هم لعرى فايت فيا.
590 - غسلات الـدجاجة رجليها و نسات ما فات عليها
591 - غـطـى عيبه بالسطـل وجا يطل
592 - فالمقلة و تيحنزز.
593 - فْعْشّنَا وْجْرَى عْلِينَا
594 - فْعْشّنَا وَنْشّنَا
595 - فلس في الكفة احسن من عشرة في السلف.
596 - فوت على الواد الهرهوري لا تفوت على الواد السكوتي
597 - فوتني تربح.
598 - فولة ما دير بيصار و فارس ما ينوض غبار
599 - في الشتاء يقول البرد وفي الصيف يغلبه نعسه
600 - في النهار تظل منفوخ وبالليل تبات هالك
601 - قال الفيلالي، ولو طارت معزا.
602 - قال الفيلالي، ولو طارت معزا.
603 - قال ليه شمتك، قال ليه عرفتك.
604 - قالو اش خصك يا العريان قالو خصني الخاتم أمولاي
605 - قالو اشخصك يا لعريان قالو الخاتم يا مولاي.
606 - قالوا ليه بكّـر، صلّى العشاء و جاء
607 - قبضها من يد الشبعان إلا جاع، و ما تقبطهاش من يد الجيعان إلا شبع
608 - قد الراس قد الشاشية.
609 - قلت شي كترشي...
610 - قليل الأكتاف ينزل لو كان جهده عتاية
611 - قليل ومداوم، أولا كثير ومقطوع.
612 - قوت التقرقيب وقلة النقيب
613 - قولوا الله يهديهم دارو الخير مع الناس ونساو واليدهم
614 - قيس، قبل ما تغيس.
615 - كاري حنكو.
616 - كاع داكشّي اللي كتحنقزو المعزة فالجبل، كتخلصّو فدار الدبّاغ
617 - كال لو آش المعمول يا قاضي فعيشه، كال لو طلقها وانا ناخدها
618 - كالو طاح، من الخيمة خرج عوج..
619 - كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة
620 - كَالُو لَلْحَمْقَة زَغْرْتِي، كَالْتْ لِيهُمْ الدَّارْ ضَيْقَة.
621 - كان راجلي واصبحت انعشقو.
622 - كايس على حمارك، تحج عليه.
623 - كبّر خبزك يتباع
624 - كبرها تصغار.
625 - كبير الكرش والراس بنص فوله تبيعه
626 - كل خنفـوس عنـد أمـه غـزال
627 - كل خنفوس عند مّو عروس
628 - كل طعام اليهودي، ونعس فـ فراش النصراني.
629 - كل طعام اليهودي، ونعس فـ فراش النصراني.
630 - كل طعام اليهودي، ونعس فـ فراش النصراني.
631 - كل غيبة كتزيد هيبة.
632 - كُلْ فُولَه خَامْجَة تَيْجِيبْ لِهَا الله فَرُّوجْ عْوْرْ
633 - كل قرد في عين مو غزال.
634 - كل ما لعبت المعزة فقرون الجبال كتخلصو فدار الدباغ
635 - كل وقيس.
636 - كلامكم يا البرابر قولوه وعاودوه.
637 - كلامكم يا البرابر قولوه وعاودوه.
638 - كلها وحالو وأحوال الناس شلا .واحد بغا المعقول وواحد بغا يتفلا
639 - كن اسبع و كولني.
640 - كن نحلة ما تعدم اجبح .
641 - كُولْ التّبْنْ وَامْسْحْ فُمّكْ بالسّمْنْ وْدُوزْ عْلَى عْدُوكْ مْصَبَّنْ
642 - كول بشهوتك و لبس بشهوت الناس.
643 - كوليني يا موكة حتى الطيور عافوني
644 - كون تصحابها تكتاب, من دق الباب
645 - كون ما كانو حوايج العطار ما فالنسا ما تختار.
646 - كيبيعو الارض ويضحكو على من شراها.
647 - كيدق ويقول شكون.
648 - لا خلاص الحمام لا كسوة العيد.
649 - لا خلاص الحمام لا كسوة العيد.
650 - لا زين لا مجي بكري
651 - لا مزيانة للمنضر لا خفيفة كتسخر
652 - لا مكحلة لا سكين غير الله لعوين.
653 - لاَ وْجْهْ لِلسَّعَايَة، لاَ دْرَاعْ لِلْخْدْمَه
654 - لاديدي لاحب الملوك
655 - لالا تيها وكلشي فيها.
656 - لبس قدّك يواتيك
657 - لحوانت متصافه و الارزاق مختلفة .
658 - لعروسه فوق الكرسي معرفتي فين ترسي.
659 - لكان الحمام يبيض لكان بيض قبابو.
660 - للاّ زينة و زادها نور لحمّام
661 - للا مليحة و زادتها ترويحة
662 - للي شتيها بسعدها اعرف كاتكمل من عندها.
663 - للي غفل طارت عينه
664 - للي ولفتّيه ظهرك غير يشوفك و يعيا (الذي ألفته ظهرك لما يراك يتعب)
665 - لمكسي بديال الناس عريان .
666 - لهلا يورينا فولادنا ميخلعنا.
667 - لو فيها خير ما رماها الطير
668 - لو كان الحمام تيبيض كون بيض قبابو.
669 - لو كان الخوخ يداوي لو كان داوى راسو.
670 - لُوْ كَانْ الْخُوخْ يْدَاوِي، يْدَاوِي دُودُو.
671 - لو كان الخير فيا ما يتزوج راجلي عليا.
672 - لو كان الرمل زبيب وبو رجراج حليب، عمر السلاوي ما يكون للرباطي حبيب.
673 - لو كان غير بالدعاوي، كون بياض الكناوي.
674 - لو كان غير بالدعاوي، كون بياض الكناوي.
675 - لولدت ليه مو فغول معند بوه ما يدير
676 - لِوْلْدَتْ لِيهْ مُّو فْغُولْ مَعَنْدْ بُوهْ مَا يْكُولْ
677 - لي بغا طامو يحل بزطامو
678 - لّي مايرضاش بخبزة ، يرضى بنصّها
679 - ما احلى الحنطل يلا كان باطل.
680 - ما بعد الأم حبيب، ما بعد الجوع طليب.
681 - ما بين اللقمة و الفم تيريد ويحكم
682 - ما بين اللقمة و الفم تيريد ويحكم.
683 - ما تشري حتى تقلب و ما تصاحب حتى تجرب.
684 - ما تضرب حتى تقـرب و ما تصحـب حتـى تـجـرب
685 - ما تعرف العدو من الصديق غير فالشدة والديق
686 - ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو
687 - ما تقلبش الدار اللي فيها خشب - عدم إثارة النعرات أو الخلافات في مكان يمكن أن تتسبب في مشاكل.
688 - ما تيقش بلهودي إلى سلم، وخا بعد ربعين جد”، عدم الثقة،
689 - ما دير خير ما يطر باس.
690 - ما عند القرعة ما ترعى من غير مشيط راسها.
691 - ما يحس بالمزود غير اللي واكل بيه.
692 - ما يحكلك هي ظفرك و ما يبكيلك غي شفرك.
693 - ما يفسد بين الأحباب غير النساء والدراهم
694 - ما ينفع غير الصحيح اما الراشي كايديه الريح.
695 - مات يهودي في الملاح.
696 - مات يهودي في الملاح.
697 - مات يهودي في الملاح.
698 - ماحدّها كتقاقي وهي كتزيد فالبيض
699 - مَاكَايْنْ وَالُو غِيرْ مْرَا غَرْقَاتْ
700 - مّالين الدّار صبرو، والعزّايا كفرو
701 - مَامَاتْشْ غِيرْ خْرْجُ مْصِيرْنَاتُو
702 - مايدوم لا الطاس ولا يدو، ولا الخادم اللي تشدو.
703 - متيبقى فالهمّ غير اللي كايفهم (لن يبقى في الهم إلا الذي إدعى الفهم)
704 - مثلت روحي مثل الحمام مبني على صهد ناره من فوق ما باين دخان ومن تحت طاب
705 - مسخوط ولا وكال.
706 - مْشَا يَخْطْبْهَا لُو دَّاهَا لُو
707 - مشات تيجب القزبر جات حاملة ب سبع الشهر
708 - مشات حليمة لمسيد ما صابتش احسن من اسعيد.
709 - مَشْتَاقْ السَرْوالْ كُلُ سَاعَة يْحَلُ
710 - مْشِيتِي عِنْدْ الْبَايْرَة تْسْحْرْ لِيكْ
711 - مع من شفتك مع من شبهتك
712 - ملاغت بلاّرج جا يضحك معا ولدو عورو (ملاغت = مزاح) (بلارج = اللقلاق)
713 - ملي كطيح البقرة تيقواو السكاكن.
714 - من بني مرين وبني وطاس، ما بقاو ناس.
715 - من بني مرين وبني وطاس، ما بقاو ناس.
716 - من جاور لجواد جاد بجودهم، ومن جاور لرذال خاب ضْناه، ومن جاور القدرة اتلطخ بحمومها ومن جاور صابون جاب نقاه
717 - من زيتو قليه
718 - منّاين دخلتك النار آ الفران؟ قال من فمي (مناين = من أين)
719 - منديل صفية جيت نمسح فيه مسح فيا
720 - مْنِينْ دَاكْ العْرِيَّشْ قال لُه مْنْ دِيكْ الشّْجِيرَةْ.
721 - مول البنات ما يبات هاني.
722 - مول التاج يحتاج
723 - مول الطاحونة و السانية و المرا التانية حتى ليلة ما يباتها هانية
724 - مول الفز كيقفز.
725 - مولات الرجالة كتطمع فالهجالة
726 - ميات تخميمة وتخميمة ولا ضربة بالمقص
727 - نارو على منقارو.
728 - نديرو فالحفرة وما نسمع حسو فدار اخرى
729 - نزلت من كان سلطان وركبت من كان راعي
730 - نقا على نقا ما تيورد شقا.
731 - نهار عيدكم نهار جوعكم
732 - نهيه نهيه ويلا اعمى سير وخليه.
733 - نوصيك يا حارث الحلفاء بالك من دخانها لا يعميك
734 - نوصيك يا واكل الراس في البير ارم عظامه
735 - نيّة العمى فعكّازو (العكاز = العصى)
736 - ها هو الملاح ماشي لهيه”، للخديعة،
737 - هاك ابوه رجليه جابوه
738 - هاك ابوه رجليه جابوه.
739 - هبحال مول الفران، وجهو للنار، وظهرو للعار.
740 - هبط مساري وطلع شاري .
741 - هبل تربح.
742 - هبيل تزوج هبيلة وتهنات القبيلة
743 - هبيل تزوج هبيلة وتهنات القبيلة.
744 - هده دار بونا والعبيد يخرجونا.
745 - هرب من الحفرة طاح فالبير
746 - هرس دكدك
747 - و هده يبرة بلا عين.
748 - وَاشْ الْحْمَارْ كَيْعْرَفْ مُولاَيْ ادْرِيسْ
749 - وجه الشارفة ما يخفى, ولو تحكو بالحلفة
750 - ودن صمة و الاخرى فيها الماء.
751 - ورّيه ورّيه، ويلا عما شد بيديه
752 - وسواس من الجن ولا وسواس من ابنادم.
753 - وَقًّرِ الكْلْبْ على وْجَهْ مُولاَهْ.
754 - ولد الحمار لا تربيه لو كان تدهن زنوده
755 - ولد السّبع سبع محدو يكبر و هو يخلع. و ولد الضبع ضبع تسخرو أمو يجيب الخميرة يجيب الشمع (محدو = كل مراحل كبره)
756 - ولد الفار ما يكون غير حفار
757 - ولد ضبع غير ضبع الى سخرتو يشري لخميرة يشري شمع
758 - ومن جاور القدرة اتلطخ بحمومها ومن جاور صابون جاب نقاه
759 - يا قايل العار كيف يحلى كلامك؟
760 - يجي لك يوم ياناكر خيري يوريك زماني من زمان غيري
761 - يعيى من يعطي وما يعيى من يشد.
762 - يكوي ويبخ.
763 - يلا امشا الزين كيبقاو حروفه ويلا امشا المال كيبقاو خروقه.
764 - يلا بغيتي اتوحش صاحبك سلفو.
765 - يلا شفتيها بسعدها عرفها مكملا من عندها.
766 - يلا غاب الوجه ما كيبقى للقفى حرمة.
767 - يلا فاتك الكلام قول اسمعت ويلا فاتك الطعام قول اشبعت.
768 - يوريلك من الربح قنطار والديو لك راس مالك
تلك مجرد بعض الأمثال الشعبية المغربية وتأثيرها العام. تُستخدم هذه الأمثال لتعليم الحكمة والمعرفة في الحياة اليومية وتشكيل جوانب من الثقافة المغربية.
تصنيفان:
* تنبيه !
- سوف يتم نشر تعليقكم بعد مراجعته
- التعاليق التي تحتوي على كلمات نابية وأرقام الهواتف أو نشر روابط أو إشهار لجهة ما لن يتم نشرها.